شكتبلك بعد(اهداء الى حبيبتي)

شكتبلك بعد ...

شكتبلك بعد مو خلصت الچلمات
وياشاعر يداين خاطر اكتبلك

وماعندي صور ورسملك الابيات
يا احله الصور مجنون ورسملك

حسنك مشكله تيه على الاوزان
زاحف كل حرف بس كون يوصلّك

واذاشاطىءغرامك صايرنه بحور
أبحورالشعر خجلانه شدكَلّك

ظلّك قافيه يلمشيتك بالحان
وزرياب اعتزل من شاف بس ظلّك

يا قمة ترف يا وحدة الموضوع
يا نقطة ضعف بس انت عد خِلّك

ممكن رقتك تصلح قصيدة شوك
بس ديوان حب لو تنوصف كلّك !!!

أرجع للصفر عالفطره شعر تريد
أرحم حال شاعر صار من اجلك

عن كل شي اكتبت بس لا تظن مغرور
لكن حضرتك معذور شوصفلك

يالوصفك لغز ومحير الاوراق
واقلام الشعر ماممكن اتحلّك

شاعر يعتذر من عندك اني اليوم
كل هذا الذكرته لاتظن جلّك

ومن بعد اعتذاري اهديك هذه البيت
لكن مو وصف لا حتى ماخذلك

عدهم كل الشمس تفصل نهار وليل
بس عندي الشمس تشتاكَ تنزلّك

واذاعندي الشمس تنزل لأن تشتاكَ
چا يعني الكَمر ينزل يحب رجلّك
چا يعني الكَمر ينزل يحب رجلّك
_________________

والله يا عمي انته مو بس مبدع انته ايضا فنان

روعه هذه الكلمات

تحياتي الك خيو
_________________

عاشت ايدك أخويه
تحياتي لك
_________________

خلني قصة هوى تسكن كيانك
خلني صورة مسافر في سماك
و خذ حياتي خلها شمعة زمانك
و خذ عيوني ما سكن فيها سواك
ولمني ثم ضمني بأقصى حنانك
و لمني يا جعلني كلي
فدااااااااااك