الدلوع عضو مميز
عدد الرسائل : 906 العمر : 33 العمل/الترفيه : طالب المزاج : الصمت البلد : ~ْالعراق~ْالرمادي~ْ الوسام : مزاجي : تاريخ التسجيل : 21/03/2008
| موضوع: ابد ما أجذب السبت مايو 10, 2008 8:51 pm | |
| كلكم اتعرفون الحرب العالميه الثانيه تقريبا بالـ 1935 اي اني جان بوكتها عمري 16سنه المهم كاعد بالبيت دا العب بلي ستيشن 2 دك الموبايل مالتي (اي لا تتعجبون اني من ذاك الوكت عندي موبايل) اي اكمللكم دك الموبايل جنت حاط نغمة مال هيفاء بوس الواوا شلته طلع رئيس الجمهوريه مال روسيا كلي وليدي آسفين على الازعاج بس الوضعيه حيل عاويه والجيش نصه راح بالزلك محتاجيك حيل اني صفنت اتذكرت ايام الطفوله من جنت العب دعابل بروسيا ويه ابن الوزير والله كتله عمو ببطن عيني هسه بس افول المولده التايكر للبيت واجيكم والله ترست المولده و جيكت الدهن و اخذت البايسكل مالتي ذبيته (دي) وقبطت سكليتر وين على الخط السريع مال حله كربلاء ومناك كلت آخذ يمنه على روسيا والله نص ساعه اني بنص موسكو بس شحجيلكم باردة ثلج شغلت التدفئه مال البايسكل و صعدت الجامات والله كلتلهم وين بيت رئيس الجمهوريه كلولي بقطاع 20 يم مرطبات (علاوي جرثومه) وصلت دكيت الباب طلع ابو مصطفى (ابن الرئيس الروسي اسمه مصطفى لأن مرته من الديوانيه ) خطيه الرجال حالته جانت زفت حضني كلي الله جابك كتله خير عمو كال هيج وهيج السالفه والالمان طبو بينه هدف كتله عمو صدك جذب اني موجود و هيج يصير اني رايح منا ليومين ان شاء الله تسمع خيرطلعت رحت على ولد اعرفه بروسيا اسمه ( قاسم ) هذا شقاوه مال بغداد جان و صديقي الروح بالروح كتله قسومي هيج وهيج الفلم اريد اسلحه كلي تدلل شتريد كتله اريد 65 صاروخ ارض ارض و34 صاروخ ارض مي اقصد ارض جو و 89 بي كي سي و فد 6784 رمانه يدويه و54564لغم منوع بين مضاد للبشر و مضاد للدبابات والله حطلياهن بعلاكه اخذتهن و عدل وكبل للجبهه وين بالخطوط الاماميه ما اجذب عليكم الوضعيه صدك داجه (يعني تعبانه) بس اني اخوكم خوما اخاف لا يابه لا كلتلهم للجنود انتو لمو جوالاتكم و رجعو للبيت مالكم علاقه السالفه يمي صارت باوعت يمنه يسره شحجيلكم بل 564674534 جندي الماني و كل واحد راكب دبابه منفيست حديث بس اني تعرفوني سبع نصبت الصواريخ على جتفي وصيحت اني الكم طبا طبا طاخ طاخ طاخ الزكه جيبه ودي الله اصلخه الطمه (هاي موسيقه تصويريه) والله صفيتهم بقوا بس 7 جنود و دبابتين واني باقيلي رمانه و علج ابو السهم شسويت ؟ لزكت العلج ابو السهم بل رمانه و شمرتها على الدبابه لزكت بيها و جان تنفجر بقت دبابه وحده ركضت عليهاوبيدي قلم ابو النبالات (لحد يكلي مين جبته هوه اجه) والله بالقلم كطعت السرفه (التايرات مال الدبابه) وكفت كمزت عالقماره فتحت الباب نزلتهم بيدي واخذتهم اسرىطبعا وره ما هيج سويت اجه الرئيس الروسي وباسني من راسي و كلي وليدي انته اقوه من كرندايزر والله كتله لا عمو ما سويت شي اني عادي وانطاني هديه سياره لاده بعدها ما ماشيه بالجيس و اشترولي بنطرون كتان اصلي من الصين درجه اولى وبوتين اديداس ابو العلامه ورجعت للبيت وشغلت المولده و كعدت اتفرج عدنان ولينا | |
|
اموت عليك عضو فعال
عدد الرسائل : 385 العمر : 33 العمل/الترفيه : اسكافي البلد : اشمدريني الوسام : مزاجي : تاريخ التسجيل : 06/05/2008
| موضوع: رد: ابد ما أجذب الأحد مايو 11, 2008 11:00 am | |
| احم احم احم
لا وين اصلا كلة صدك بمابية ولا كلمة جذب ههههههههههههههههه | |
|
الدلوع عضو مميز
عدد الرسائل : 906 العمر : 33 العمل/الترفيه : طالب المزاج : الصمت البلد : ~ْالعراق~ْالرمادي~ْ الوسام : مزاجي : تاريخ التسجيل : 21/03/2008
| موضوع: رد: ابد ما أجذب الإثنين مايو 12, 2008 1:51 pm | |
| مشكور عيوني على الرد الجميل
تحياتي الدلوع | |
|
قرصان الحب عضو نشيط
عدد الرسائل : 156 العمر : 35 العمل/الترفيه : طالب كلية / علوم حاسبات البلد : الانبار _الرمادي تاريخ التسجيل : 21/03/2008
| موضوع: رد: ابد ما أجذب الأربعاء مايو 14, 2008 3:46 pm | |
| عندك شويه صدك هي بس ال في و من على مختصر مفيد حروف الجر وكانه وخواتها قصتك مؤ لمه حيل ههههههههههههه مكورين الدلوع تحياتي قرصان الحب | |
|