تلا حظون من تنطفي الكهرباء نكعد سوه بالهول او
بالكراج لو بالحديقه..تشوفون الواحد منه لازم الصونده
وكام يرشرش العصريات.
وبعدين تصير سوالف وشقه وتطلع السوالف قديمه
اذا الكهرباء تطفى 5 ساعات وتجي ساعه راح العائله
تجتمع 15 ساعه..وهذا بدوره راح يؤدي الى ترابط الاسره وترابط الافراد مع بعض وتواجدهم معا بكثره
يؤدي الى:
1:الملل(روتين)
2:كل يوم تشوف نفس الناس
3:سوف يصبح الشخص كثير التكلم(مثل العجايز
طبعا اذا مطفيه الكهرباء شيسوي غير يلغي)
4:نمو مواهب متعدده عند الشخص يطبخ..
لام الجيران بالحديقه ويلعب طوبه
5:تجي حالات للواحد مثلا:
يكوم يسوي حركات غريبه..لو يحجي بس محد يفتهمه هو مديفتهم شديحجي طبعا ترزله حتى يسكت وهو ولا يمه
بس تدرون احلى شي من تطفى الكهرباء يكوم اليوبي اس يسوي طووووووووووووووووووووووووووووط
والحاسبه ترست ويرادلها فرمته.وبس تطفى الكهرباء
البيت كله يصيح طفوا الايركوندشن واحلى شي من تنسوه مفتوح وتريدون تشغلون المولده متشتغل
هسه نجي عالمولد من تريد تشغله (سالفه تعبانه)
تشغل ماكو تطلع معوزه دهن والله حطيت الدهن تشغل ماكو يطلع البلك عايز تنظيف وراها راح تحرن
المولد ومترض تشتغل شراح تسوي؟؟
تروح مثل الخوش ولد تخلي المخده بالكاع وتنام
عالبروده.ما احجيلكم احلى شعور
وسؤالي هو؟انتوا صاير هذا الشي وياكم.......