شاب متهور تعرض إلى حادث وكان معه أمه فتوفيت وبقي هو علي قيد الحياة وكتب القصيدة
يواسيني وأنا الميت وحالي يجبر الدمعات**تسيل من الذي فيني ويبكي وهو يواسيني
وأنا ابكي واتنهد وارسم بالحزن لوحات**يجبروني عشان امشي ورجلي ما تمشيني
قتلت رعايتي بيدي قتلت الحب والرحمات**حرمت النفس من حقها وأنا ابكيها وتبكيني
وكنه حلم قدامي يقيدني من الصرخات**أبي اصحي ولكني عجزت ألقى اللي يصحيني
فداك القلب يا يمه ومهما قلت من كلمات**صغيره في كبر حقك بس أتمنى تعذريني
نهبت الفرح من بيتي صحيح إني خسيس ألذات**صحيح إني ولد طايش وكل ما أسمعه فيني
تجول عيونهم فيني تفصل مني قياسات**وتشيح وجوههم عني وكني غيرت ديني
يظنوا حزنهم اكبر وهم أصحاب ها لمأساة**وأنا أتحدى إذا فيهم ربع ما يحترق فيني
نقص قدري بعد موتك وغابت نشوة اللذات**وصار الهم عكازي اباكيه ويباكيني
عطيتيني بدون حساب ولا سمعتك تقولي هات**وأنا اشرب حيل من دمك ودمك ما يكفيني
يا يمه ارجعي كافي ابجلس معك لو لحظات**واقبل ايدك ورجلك وافرش لك رمش عيني
يا يمه ما تحملهم يقولوا فات ما قد مات**تعالي غيري ها لقول واطيعك باقي سنيني
واترك عادة التدخين وأنفذ ما تبي بسكات**واصلي الفجر في المسجد قبل منتي تصحيني
يا يمه ارجعي تكفين وطفي شمعة الآهات**أبيك أنتي ولا غيرك على موتك تعزيني
وضميني وداويني مثل ما كانت الهقوات**ما أبي أحدن يواسيني أبيك أنتي تواسيني
دخيلك بس لا تبكي إذا شفتي بي الدمعات**أنا مقوي أبكيك إذا أنتي تبكيني
أسال الله أن يغفر لها ولجميع الموتى وهنياً لمن كانت أمه على قيد الحياة ليخدمها ويفديها بروحه ..
رزقنا الله و إياكم البر بوالدينا
موضوع: توفت امه فكتب قصيدة ابكت من لا يبكي!!!!! 
الأحد مايو 18, 2008 11:35 am
