لقاء حبيبين )
تقابلنا
اناديها
بإسم ثاني
اشككها
تقولي مين ؟
اقول اسف ! غلطت ثاني
تثور.....تزاعلني
اثار الغيره تذبحها تجننها
تقولي .. روووووح واتركني
يا عاشق لحظة النسيان
يا غايب من وسط قلبي
يا شاعر كل كلامك كذب
تعيش الكذبه .... تصدقها
وتنظمها قصيدة وشعر
تقول تحب ؟
انت ابعد بعيد عن الحب
عن الاحسلس
اقول بخبث
انا !!! أيش سويت ؟
وش الي صار
غلطت ... غلطت اسمك
فقط لاغير .. انا اسف !!!
تقولي .... تصدق ؟
شفتها بعينك ..مرسومه
بخيوط من سحر
منظومه قصيدة شعر
تغازلني بنظراتك ابد كذاب تغازلها
و توصفني باشعارك ابد كذاب توصفها
تقولي قمة احلامك
اقولك روووووووووح واتركني
ارد واقول
سامحيني
احبك احبك موت واحلفلك
وعيني ما تشوف الا جمالك
جمال الحور ... عطر منثور
احب اتجاوز ايامك
واحرق لحظة احلامك
واخلي الغيره في قلبك تشعلل نور
واحطم كل جدرانك
.. واعدي السور
تناظرني بشك وريب
باقي من الزعل لحظه
وتدلل!!
تقول كذاب
تشيح بوجهها عني .. يشيح الصبح
ويلحقها شعرها الثاير الجذاب
عذاب
تقولي... تبيني أغير ؟؟؟؟
عليش اغير ؟؟؟
على جمالك !!! على قدك!!
عليك يالشين!!
والله غرور
اقول معليش.. عديها
انا حاولت
احرك راكد الاشجان
واجنن خاطرك تحنان
واحرك لحظة اللقيا بلا لقيا
إذا غرتي ... تري مو عيب
يا ما عشت انا الغيره
وما احلاها من سيرة
تري احلى الهوى غيرة
يا أغلى احساس
تحس اني بديت ازعل
تراجع نفسها لحظه
تقول معليش
خلاص إنسى
وخبرني وش احوالك ؟
وش ايامك؟
اقول
ايامي من دونك بلا معني
زهور محرومه نور الشمس
بلابل ساكنه جنون الهمس
بلا داعي
تحس بغرور
وتتبسم
ببسمتها
احس الشمس جت بدري
وغيمه تنثر احلامي على الدنيا
وانا ما ادري
تقولي
آآآآآآآآآآآآآآآآآه منك
يالي تعرف احلامي
وتعزفها على انغامك .. على انفاسك
تدغدغني
احبك
عالمك مجنون ... لكن صادق
تملك احساسي
لكن ارجوك ترفق بي
ابيك تعيش في عمري
حروف من نور
تسطرها على ايامي
وتعشقني
تصافينا بلحظة حب
تصادف غيمة احلامي
تمر تنثر الاحلام والامال ...........والغيره
والسموحه...وفى الروح
موضوع: لقاء الحبيبين 
الخميس مايو 08, 2008 11:52 am
