اذا ماحبج انتي اشلون احب الناس
يا أول غرام بزغري وبكبري
واذا ماأشوفج انتي اشلون اشوف الناس
واني بغير شوفج بي قصر نظري
حبيتج سهر وايامي غابت ليل
وبس وياج اسهر يابعد عمري
اذا مو الج اكتب ماأحس بالشوك
واني علمودج اكتب بشعري
جربتج اهواي وشفتج اوفه الناس
يا أول حبيبه اتحملت قهري
اسئليني بحياتي شكد تمر نسوان
ليش انتي الوحيده الباقيه بفكري
واسئليني ابحياتي اشبيهة من هموم
ليش انت الوحيده الباقيه بصدري
يا اجمل محطه البيهة كلبي ارتاح
يانهر الحنان بالكلب يجري
تغفه عيون ويامه نامت ناس
واني ويه الاشواك ملتهي بسهري
اذوب من اشوفج واحترك مرات
واحسب من بعيده ويختنك صدري
ويمر طيفج هوه واحتار اشمه منين
وشكو احلى بعمري من الهوى العذري
وتسئليني احبج اي احبج والله
وبس ليش احبج صدكيني ماأدري
موضوع: احــــــــــــــــبــــــــج 
الأربعاء مايو 21, 2008 5:42 pm
